Book I section 26. Learn the verb πολιορκέω, besiege. There were lots of sieges in the war. Also learn πέμπω, send, which is high-frequency anywhere and used as a paradigm for the conversion of pi to psi in the imperfective; it is quite regular otherwise.
πάντων οὖν τούτων ἐγκλήματα ἔχοντες
οἱ Κορίνθιοι ἔπεμπον ἐς τὴν Ἐπίδαμνον ἄσμενοι τὴν ὠφελίαν, οἰκήτορά τε τὸν
βουλόμενον ἰέναι κελεύοντες καὶ Ἀμπρακιωτῶν καὶ Λευκαδίων καὶ ἑαυτῶν φρουρούς.
[2] ἐπορεύθησαν δὲ πεζῇ ἐς Ἀπολλωνίαν,
Κορινθίων οὖσαν ἀποικίαν, δέει τῶν Κερκυραίων μὴ κωλύωνται ὑπ᾽ αὐτῶν κατὰ
θάλασσαν περαιούμενοι.
[3] Κερκυραῖοι δὲ ἐπειδὴ ᾔσθοντο
τούς τε οἰκήτορας καὶ φρουροὺς ἥκοντας ἐς τὴν Ἐπίδαμνον τήν τε ἀποικίαν
Κορινθίοις δεδομένην, ἐχαλέπαινον: καὶ πλεύσαντες εὐθὺς πέντε καὶ εἴκοσι ναυσὶ
καὶ ὕστερον ἑτέρῳ στόλῳ τούς τε φεύγοντας ἐκέλευον κατ᾽ ἐπήρειαν δέχεσθαι αὐτούς
(ἦλθον γὰρ ἐς τὴν Κέρκυραν οἱ τῶν Ἐπιδαμνίων φυγάδες, τάφους τε ἀποδεικνύντες
καὶ ξυγγένειαν, ἣν προϊσχόμενοι ἐδέοντο σφᾶς κατάγειν) τούς τε φρουροὺς οὓς
Κορίνθιοι ἔπεμψαν καὶ τοὺς οἰκήτορας ἀποπέμπειν.
[4] οἱ δὲ Ἐπιδάμνιοι οὐδὲν αὐτῶν
ὑπήκουσαν, ἀλλὰ στρατεύουσιν ἐπ᾽ αὐτοὺς οἱ Κερκυραῖοι τεσσαράκοντα ναυσὶ μετὰ τῶν
φυγάδων ὡς κατάξοντες, καὶ τοὺς Ἰλλυριοὺς προσλαβόντες.
[5] προσκαθεζόμενοι δὲ τὴν πόλιν
προεῖπον Ἐπιδαμνίων τε τὸν βουλόμενον καὶ τοὺς ξένους ἀπαθεῖς ἀπιέναι: εἰ δὲ
μή, ὡς πολεμίοις χρήσεσθαι. ὡς δ᾽ οὐκ ἐπείθοντο, οἱ μὲν Κερκυραῖοι (ἔστι δ᾽ ἰσθμὸς
τὸ χωρίον) ἐπολιόρκουν τὴν πόλιν,.
Otherwise this is a very straightforward section about the next step toward war. This is not some interpolis battle over boundaries. It is a battle over “whose colony is this anyway, and how dare you claim a colony from your metropolis?” They may all be Hellenes now, but they are not yet Greece.
No comments:
Post a Comment